"That it's all just a little bit of history repeating"

 

They say the next big thing is here
That the revolution's near
But to me it seems quite clear
That it's all just a little bit
of history repeating

Shirley Bassey gæti allt eins verið að syngja um GH-pride mótaröðina þetta árið því fátt virðist geta komið í veg fyrir sögulega endurtekningu. Toppsætið er geirneglt í byrjun ágúst líkt og í fyrra. Meðlimir GH eru agndofa yfir þeirri kröfu sem toppsætið virðist eiga í þetta þrotabú. Almenningur spyr hver sé höfundurinn af þessum nóbelsverðlauna farsa og óbreyttir meðlimir sitja hljóðir. "Maðurinn er vélmenni, hreint út sagt flekklaust golf" sagði óbreyttur meðlimur úr blaðamannastéttinni sem neyddist til að gefa ritstjóra "World of Golf" færi á sér sökum meðaumkunar starfbróðurs í stéttinni. "Toppsætið er á pari við vörumerki Coke" tjáði meðlimur GH úr gosdrykkjarbransanum tímaritinu og annar meðlimur úr ferðabransanum sagði að "áfangastaður með þetta nafn er draumur sérhvers ferðalangs". Menn blóðtengdir Toppsætinu fóru mikinn í síðasta móti þar sem Óli Bjözz tók ódýra ábreiðu af dagskrá DJ 15, en Begginn mætti með golfsett ástarinnar og rakaði inn 12 stigum. Annað var ómerkilegt með öllu. Menn geta svo diskúterað um fréttnæmi þessa pistils og þeirra sem eftir koma.

 

Toppsætið með takta í næturspili

Það var sjaldséð rjómablíða þegar Golfklúbbur Hafnarfjarðar hóf leik í miðnæturmóti sumarsins. Met mæting var og "sidekick" ársins( fagri bleikur) á góðri leið með að spila sig inní klúbbinn. Það kom fáum á óvart að undirbúningstímabili Toppsætisins er lokið og "tólfu tímabilið" er hafið. Eiki Haux og Jói Páls mættu með myndavélar og smelltu af gríðarlegri festu sem er vel. Freyr Gígja náði þeim einstaka áfanga að fá fimmu á allar holurnar á Hvaleyrinni, ekki dónalegt að geta yljað sér við það. Urtöndin, sem hafði tekið sér hreiður hjá Begganum flaug til Eika þegar skorið hafði verið yfirfarið.

 

Vel heppnað mót í frábæru veðri.

GH logar stafnanna á milli

Golfklúbbur Hafnafjarðar logar stafnanna á milli eftir umdeilda ákvörðun mótanefndar í kjölfar síðasta móts. Lausn virðist þó vera í sjónmáli eftir að formaður klúbbsins, Haraldur Toppönd, gekk á milli hinna stríðandi fylkinga og bað þá um að slíðra sverðin um stundarsakir. Hann fékkst ekki til að tjá sig um málið við opinbera vefsíðu klúbbsins og er það glöggt merki um á hversu viðkæmu málið er.
Málavextir eru þeir að félagar í Golfklúbbnum æddu útí miðjan storm á mánudeginum og hófu að leika golf þrátt fyrir að aðstæður væru vægast ómanneskjulegar. Um miðjan leik ákvað hin umdeilda mótanefnd að kalla félagsmenn saman og fá þá til að hætta leik. Mæltist sú ráðstöfun vel fyrir hjá mörgum en ekki öllum. Uppfrá því hófust miklar deilur sem enn sér ekki fyrir endann á. Mótanefnd ku hafa hótað því að segja af sér en formaður hennar, Jón Freyr Egilsson, vildi ekki láta neitt hafa eftir sér í þessum efnum, sagðist einfaldlega vonast til þess að þetta myndi ekki skaða orðstír klúbbsins. "Þetta er ungur klúbbur og menn eru kappsfullur, það er því ósköp eðlilegt að mönnum hlaupi kapp í kinn þegar svona kemur uppá," sagði einn heimildarmaður vefsíðunnar sem vildi ekki koma fram undir nafni af ótta við hefndaraðgerðir.
Næsta mót er ráðgert mánudaginn 18.maí og hafa félagar klúbbsins verið að skrá sig til leiks. Hnúturinn í deilunni virðist því aðeins farinn að losna.

Áramótannáll GH

Árið er á enda. Eitt magnaðasta ár í sögu Íslands. Ekki síst fyrir þær sakir að það reið jarðskjálfti yfir suðurland og tveir ísbirnir gengu á land. Seinna rötuðu þeir í söguna Þriðji ísbjörninn eftir Þorgrím Þráinsson en það er önnur ella. Ársins 2008 verður hins vegar sennilega minnst fyrir hrikalega sigurgöngu Haraldar Sturlusonar á golfvellinum.
Ráðamenn og auðjöfrar gerðu allt sem þeir gátu til að stela athyglinni af Haraldi og sigri hans á GH-mótaröðinni en allt kom fyrir ekki. Sigurganga er meðal mest lesnu fréttanna á öllum helstu vefsíðum landsins. Ekki ræða Geirs, ekki hrun bankanna og ekki einu sinni ofsafengið viðtal Egils Helgasonar við Jón Ásgeir. Nei, það var sigur Halla Sturlu

Haraldur á sviðið þetta árið. Eins og sést á þessu myndbandi. Og hann nýtur þess svo sannarlega að hafa kastljósið á sér eins og myndirnar sýna. Haraldur hikar ekki við að senda keppinautum sínum tóninn og krefur þá um að veita sér meiri samkeppni. Orðræða og fas  minnir eilítið á Muhammed Ali og hver veit nema yngsti golfklúbbur landsins hafa alið af sér afreksmann í fremstu röð.
En við, sem höfum staðið agndofa yfir hæfileikum Halla, erum staðráðnir í að knésetja meistarann. Með góðu eða illa. Og hver veit nema stemningin á vellinum verði í svipuðum dúr og þessir ágætu meistara:

Annars óska ég félagsmönnum öllum, nær eða fjær, gleðilegs árs og farsældar á nýja árinu sem nálgast nú óðfluga.

 

 

 

ps. nema þér að sjálfsögðu Halli minn...

....í það minnsta sa a amkeppni.

Já, hver hún verður og hvaðan hún á að koma veit nú enginn. Vandi er um slíkt að spá. Á tímum misheppnaðra heimfærslu alamerísks samkeppnisumhverfis á íslandi, þá eru svipaðir hlutir að gerast í afreksíþróttunum "mér líður eins og íslenska ríkinu með bólgið eignasafn" sagði eftirminnilega krýndur formaður golfklúbbsins við blaðamann og var þá væntanlega að skírskjóta í eignaraðild sigurlauna og almenna yfirburði. "Tilhneigingin í smáu frjálsu samkeppnisumhverfi hefur verið sú að það stendur alltaf einn aðili sterkastur, búinn að nota hina sem álegg....reykt álegg" bætti hann við " menn eru að tala um að ég hafi vitað af þessu allan tímann og ekki varað rétta aðila við í vor, sem er ekkert annað en lýðskrum" sagði formaðurinn hvass í ranni, en vildi þó þakka félögum sínum fyrir að fylla hollin í sumar.

 

 

 

 

 

 

 

Mynd tekin þegar Toppsætinu var boðið að gerast heiðursmeðlimur í sveitaklúbbi í Skotlandi í haust.

Eftirmálar regndropanna

Síðasta mót var haldið í einhverju versta og kaldasta veðri sumarsins. En nú hyllir undir að einhverjar breytingar verði á veðurfarinu því samkvæmt síðustu spám þá stefnir allt í blíðviðri. Vedur.is spáir hægum vindi á sunnudaginn og Belgingur tekur í sama streng, þótt þeir félagar á reiknistofnun veðufræðinnar séu ekki alveg jafn reiðubúnir og veðurstofan að spá bongó blíðu.
Hins vegar gæti þetta hleypt nýju blóði í toppbaráttuna því hæglætisveður hefur reynst vatn á myllu Haraldar Sturlusonar sem samkvæmt síðustu fréttum hefur misst "toppsætis"-titilinn í hendurnar á Páli Ólafssyni. Sá síðarnefndi hefur jafnframt reynst sterkur á endasprettinum og reiknaði með hvassviðri og rigningu en spárnar benda til þess að miðjumaður íslenska landsliðsins gæti neyðst til að breyta um taktík.
Reyndar er gaman að segja frá því að forrystusauðirnar eiga annað sameiginlegt en að vera liprir kylfingar því þeir hafa báðir leikið stöðu miðjumanns hjá Haukum. Fátt annað tengir þá þó saman. Hins skyldi engin útiloka örvhentu skyttuna Halldór Ingólfsson sem gæta fintað sig uppí efsta sæti.
Að endingu má síðan geta þess að forseti Íslands, Ólafur Ragnar Grímsson, hefur lofað því að heiðra liðsmenn með nærveru sinni á síðasta móti. Þar mun Dorrit síðan frumflytja nýjan sígildan frasa en samkvæmt heimildum vefjarins þá ku hann vera "GH er ekki lítill klúbbur, hann er stórasti klúbbur í heimi."

Spennandi tímar framundan

Nú líður senn að endasprettinum í GH-mótaröðinni og er óhætt hægt að segja að núverandi formaður, Páll Ólafsson, sé farinn að narta ansi duglega í hælana á Haraldi Sturlusyni.  Vefurinn spáir aðeins í spilinn og veltir því fyrir sér hvort að nú sé komið að örlagastundu í mótaröðinni mögnuðu.
Haraldur hefur leitt mótið lengst af í sumar. Nú þegar blása tekur duglega úr suðri eru golfkylfurnar eins og smjör í höndunum á Páli og ljóst að Haraldur má hafa sig allan við við að verja toppsætið. Aðrir sem blanda sér duglega í toppbaráttuna eru meðal annars Halldór Ingólfsson og Ólafur Björnsson auk þess sem silfurbjörninn frá síðasta ári, Magnús Magnússon, gæti krækt sér í verðlaunapening með góðri spilamennsku á síðustu metrunum.
Annars hefur vefurinn það eftir áræðanlegum heimildum að aðrir meðlimir hópsins ætli sér að setja strik í reikninginn hjá toppunum og koma í veg fyrir að úrslitin ráðist áður en lokahófið verður haldið.

Junior/Senior Leiran, leiðir skiljast

Það var löngu ljóst í hvað stefndi þegar menn hittust fyrir utan Fjörð, verslunarhús Hafnfirðinga, á laugardagsmorgninum. Ungir spilarar GH voru greinilega klárir í slaginn eftir nætursvefn en gamlir GH-ingar höfðu greinilega ekki sofið jafnvel. Páll bílstjóri var reyndar vel vakandi og stýrði langferðabílnum af öryggi í Leiruna. Þar hittum við fyrir Ólaf(sem by the way hefur ekki náð lengra í handknattleik en vonir voru vegna skorts á sentimetrum, en er þeim mun betri golfari) og einnig voru þar bræðurnir Halldór og Ásgeir. Þetta er algjört lykilatriði í þessari helgi. Halldór dró semsagt bróður sinn á flot þennan morgunn til að spila fyrir unga, eftir að hafa reynt að fá 3 félaga sína sem ekki kunna golf brá hann á það ráð að fá bróður sinn sem er með 22-24 í forgjöf. WRONG MOVE  DÓRI !!!!

Til að spara roðið fyrir eldri gengu ungir vasklega útá völl og hreinlega völtuðu yfir gömlu brýnin og tóku 3 vinninga af 4 í boði í Leirunni. Ber þar kannski hæst glæsileg frammistaða Valla og einmitt Ásgeirs sem sullaði af lífsins sálar kröftum í holur eftir glæsileg innáhögg Pylsunnar. Einnig ber að geta glæsihöggs Ingvars á 16.holu er hann barði í veitingaskála Leirumanna með glæsilegu skanki.

Eftir þessa útreið var haldið uppá Base að hætti yngismeyja Íslands á stríðsárunum og troðið í sig pizzum og horft á handknattleik. Þar mátti heyra í gömlum hreyta og storka yngri leikmönnum GH fyrir komandi einhleypis leiki á Nesinu. Fór þar fremstur í flokki Lúðvík er átti kappleik við Frey og skaut hann föstum skotum bæði á Beisinu og í rútunni suður. PÚÐURSKOTUM ! Í Hafnarfirði var stoppað til að hleypa dvergnum út og risanum inn (Davíð og Toppsætið). Dvergurinn skilaði sínu í hús og ákvað að víkja fyrir heitasta liðsmanni GH um þessar mundir og átti það nú eftir að reynast vel, spyrjiði bara Jón Karl ! 

 

Davíð 

Junior/Senior Ryder Cup

Ryder Cup Golfklúbbs Hafnarfjarðar hófst í gær með gríðarlegum látum. Lagt var af stað á langferðabíl frá Rauðavatni þar sem aka átti á Hellu og kickstarta mótinu í betri bolta. Sjálfkjörnir fyrirliðar liðanna ákváðu að halda sig við útgefna uppröðun sem lá til grundvallar af fyrirkomulaginu(merkingarlaus setning). Í fyrsta leik höfðu Freyr/Halli sigur á Dóra/Jóni Frey. Í öðrum leik höfðu Páll Arnar/Snorri sigur á Magga/Jóni Hákoni. Að endingu skildu Eiríkur/Páll Ó og Óli B/Ingvar jafnir. Sem sagt allt í járnum eftir fyrsta leikdag á Hellunni þar sem spilað var í þokkalegu veðri og góðum aðstæðum

 

 

 

 

 

 

                    Senior                                                Junior

                    1/1/2                                               1/1/2

Flekklaus Hringur Bergsveins(frændi toppsætis) í 11.umferð

Bergsveinn(frændi toppsætis) Guðmundsson(móðurbróðir toppsætis) gerði sér lítið fyrir og smánaði með/mótspilara sína með flekklausum leik á Sunnudaginn. Kappinn endaði á 39 punktum sem hefðu auðveldlega geta orðið fleiri þar sem hann týndi bolta í fjörunni á fimmtándu og svo öðrum í þrælarústum Ingólfs Arnarsonar á 17. holu. Aðspurður á fjölmiðlafundi eftir hringinn þar sem hann kaus að hylja andlit sitt, sagði hann að það væri ekki hægt annað en stíga upp í leveli með slíkum meðspilurum. Hann ítrekaði í lok fundar að menn skyldu taka sig alvarlega í baráttunni hér eftir.

 stöðu og úrslit má sá hér.