Staðan eftir sex mót: Spennan nánast óbærileg

Staðan eftir sex mót er komin í ljós. Og óhætt hægt að segja að spennan sé að verða óbærileg. Magnús varði forskot sitt á toppnum en Halldór Ingólfsson fylgir fast á eftir. Heimildir vefsíðunnar herma að Halldór ætli að taka sér vikufrí frá golfi og því verður forvitnilegt að sjá hvort að toppurinn þéttist eitthvað frekar á morgun.

SÆTI		MÓT 1	MÓT 2	MÓT 3	MÓT 4	MÓT 5	MÓT 6	ALLS
1	Magnús Magnússon	6	0,3	12	12	1,5	11	42,8
2	Halldór Ingólfsson		9	4	6	12	8	39
3	Freyr Gígja Gunnarsson	3	6		6	9	4,3	28,3
4	Davíð Ólafsson		2	8	2,5		11	23,5
5	Guðjón Guðmundsson	4	12	1			4,3	21,3
6	Jón Karl Björnsson			10	10			20
7	Haraldur Sturluson	9				4	4,3	17,3
8	Páll Ólafsson				6	9	1	16
9-11	Ingvar Guðjónsson		3	3		7	2	15
9-11	Snorri Steinn Þórðarsson	12				3		15
9-11	Ólafur Björnsson	9		6				15
12	Lúðvík Arnarsson		9					9
13	Jóhann Pálsson		0,3			7		7,3
14	Jón Freyr Egilsson		0,3	1	2,5	1,5		5,3
15	Guðmundur Pedersen		4					4
16	Eiríkur Hauksson	2						2
17	Bergsveinn Guðmundsson					1,5		1,5
18	Jón Jens Ragnarsson				1			1

Rástímar komnir fyrir mánudag

Golfklúbbur Hafnarfjarðar heldur áfram að láta til sín taka á vellinum og á morgun verður blásið til mikilla veislu á Keilisvellinum í Hafnarfirði þegar sjöunda mótið fer fram. Miðað við stöðuna eftir leik á Vatnsleysu er ljóst að mikil spenna er hlaupin í keppnina.

Veðurspáin fyrir mánudag er annars mjög fín en hana má nálgast hér:
"Norðlæg eða breytileg átt, víða 3-8 m/s. Skýjað og þurrt að mestu á annesjum norðan- og austanlands. Líkur á stöku skúrum sunnantil, en annars léttskýjað að mestu. Hægviðri eða hafgola á morgun og víðast bjart og þurrt. Hiti 11 til 18 stig, en heldur svalara við norður- og austurströndina."

 

Rástímar fyrir morgundaginn eru annars þessir:

17:00	Eiríkur Þór Hauksson	GK	7.3
	Ingvar Þór Guðjónsson	GK	16.6
	Jón Jens Ragnarsson	GK	17.9
	Jóhann Pálsson	NK	9.7
17:10	Magnús Magnússon	GK	16.2
	Freyr Gígja Gunnarsson	GK	13.9
	Jón Karl Björnsson	GK	5.4
	Páll Ólafsson	GK	7.4
17:20	Davíð Örvar Ólafsson	GK	9.3
	Lúðvík Arnarson	GK	9.8
	Haraldur Örn Sturluson	GK	11.3
	Ólafur Björnsson	GK	14.6
17:30	Jón Freyr Egilsson	GK	10.9
	Guðmundur Þórir Pedersen	GK	13.6
	Bergsveinn Guðmundsson	GK	17.1
	Snorri Steinn Þórðarson

Brösótt gengi GH-manna á Meistaramótinu

GOLF Meistaramót Keilis hefur verið í gangi að undanförnu og að sjálfsögðu er elítan úr GH mætt til leiks. Halldór Ingólfsson og Páll Ólafsson riðu á vaðið í fyrsta flokki en þar verður hart barist um sigurinn. Halldór sýndi stöðugan leik í Hrauninu og Hvaleyrinni og er í fimmta sæti fyrir annan daginn. Páli gekk hins vegar ekki alveg eins vel og situr í 18. sætinu en í samtali við vefinn kom fram að hann hyggðist halda merki klúbbsins á lofti á öðrum degi.
Fulltrúar GH í öðrum flokki voru borubrattir þegar þeir örkuðu af stað síðdegis í gær. Lúðvík Arnarson kom hins vegar hvað best út og er í níunda sæti. Þeir Haraldur Sturluson og Davíð Örvar Ólafsson voru ekki sáttir með sinn leik og létu hafa eftir sér í samtali við vefinn að þetta gengi. "GH ætlar sér að fá einn titil í hús og við verðum bara að berjast og berjast," sagði Haraldur sem er í 25. sætinu. Davíð er hins vegar ögn ofar og situr í 16.sætinu.
Þriðji flokkurinn er að venju vel mannaður og þar gerðust þau undur og stórmerki að Bergsveinn Guðmundsson lék undir hundrað höggum og er í 34.sæti. Magnús Magnússon sem leiðir mótið átti stórleik fyrri hluta hringsins en glutraði síðan niður sveiflunni og fór síðustu fjórar á tíu yfir pari. Hann situr því 22.sæti. Freyr Gígja Gunnarsson er hins vegar í fjórða til sjötta sæti.

Verður spilað á Hvaleyrinni?

GOLF Vefsíðan tigerwho hefur komist yfir leynilegar upplýsingar úr innsta hring Keilis. Herma heimildir vefsíðunnar að sjötta mót sumarsins fari jafnvel fram á heimavelli Golfklúbbs Hafnarfjarðar uppá Hvaleyri.
Yfirstjórn Keilis komst að þeirri niðurstöðu að það væri óheppilegt að missa félagana enn einn daginn út fyrir völlinn enda vill vallarvörðurinn gjarnan fá álit þessa valdamikla hóps hvernig völlurinn lítur út fyrir meistaramótið. "Afar óheppilegt ef GH myndi ekki mæta þennan dag. Yrði mikið áfall fyrir okkur og þá ekki síst hana Brynju í Skálanum, "hafði vefsíðan eftir háttsettum manni innan klúbbsins. Eftir því sem Vefsíðan kemst næst er félagarnir á báðum áttum en vel hefur verið tekið í að spila á Þorlákshöfn næstkomandi mánudag.
"Ég vil ekki tjá mig um þetta, völlurinn er ekki minn heimavöllur en ég vil fá að vita þetta strax. Það gæti verið mót um helgina sem ég gæti tekið þátt í," sagði Halldór Ingólfsson sem hefur gert harða atlögu að toppsætinu. Magnús Magnússon gat ekkert sagt við vefsíðuna enda önnum kafinn við að leita að sveiflunni. Bergsveinn Guðmundsson vildi ekkert láta hafa eftir sér. "Ég held að ég sé kominn á sporið hvar sveiflan mín gæti verið," sagði Bergsveinn.
Yfirstjórn Golfklúbbsins hyggst taka beiðnina fyrir á aðalfundi á Hótel Holt í dag en þá mun verndari félagsins, Carlos Slim, mæla fyrir umsókn sinni í klúbbinn. Og er fastlega gert ráð fyrir að hún verði afgreidd fyrir næsta sumar.

Merkisatburður framundan

GOLF Vefsíðan tigerwho tilkynnir með stolti að samningar hafi náðst við yfirstjórn Golfklúbbs Hafnarfjarðar að leyfa myndatökur við upphafshögg á næsta móti. Greiddar voru tæpar fjórar milljónir fyrir réttinn og var það hinn vellauðigi Carlos Slim sem styrkti þetta framtak. Slim er nú ríkasti maður í heimi, spilar golf í Cancun og leikur sér að því að hirða peninga af sársoltnum löndum sínum í Mexíkó. En hann er óhamingjusamur enda búinn að gera alla golffélaga sína gjaldþrota og hyggst leggja fram formlega umsókn í Golfklúbb Hafnarfjarðar. Reikna má með að hún verði tekin til skoðunar á allra næstu dögum.
Heimildir vefsíðunnar herma að félögum í Golfklúbbnum hafi séð sig nauðuga til að ganga að skilmálum Carlos. Hann hafi viljað borga þeim milljarða bara fyrir það eitt að vera með þeim í holli og boðist til að beita öllum sínum völdum til að afmá Regulation-punkta í bjórkeppninni. "Ég er ákaflega sáttur við að hafa náð augum og eyrum félagann," sagði Slim í samtali við vefinn nú skömmu fyrir miðnætti.  Félagar eru því beðnir um að mæta í sínu fínasta og stilla sér upp fyrir hóp-og andlitsmyndir. Annars eiga þeir von á heimsókn frá mexíkósku mafíunni.

Stefnir í metþáttöku

Í metþáttöku stefnir í sjöttu umferð mótaraðarinnar. Nú þegar hafa eftirtaldir skráð sig:
Haraldur Sturluson
Ólafur Björnsson
Guðjón Guðmundsson
Snorri Þórðarson
Magnús Magnússon
Davíð Örvar Ólafsson
Freyr Gígja Gunnarsson
Bergsveinn Guðmundsson
Ingvar Guðjónsson
Eiríkur Hauksson

Ekki er vitað hverjar ástæðurnar séu fyrir þessari miklu og snöggu skráningu en heimildir vefsíðunnar herma að meistaramót og atlaga að titlinum komi þar sterklega til greina. Jafnframt hafði einn heimildarmaður síðunnar á orði að: "Fyrst efsti maðurinn átti varla breik á Nesinu þá er allt útlit fyrir að maður gæti haft erindi sem erfiði og hirt einhver stig. Jafnvel einhverjar líkur á því að maður blandi sér í toppbaráttuna."

Bjórkeppnin í uppnámi: "Regulation er Gay"

GOLF Háværar raddir eru nú innan um Golfklúbbs Hafnarfjarðar að innbyrðis viðurreignir keppnishollanna séu byggðar á fölskum forsendum. Haraldur Sturluson, stjórnarmaður, telur sig eiga við ofurafl að etja og hefur lýst því yfir að svokallaðir regulation-punktar séu bara fyrir kellingar og löggur. "Regulation er bara gay," lét Haraldur hafa eftir sér á reykmettuðum fundi í bakherbergi Skálans uppá Hvaleyrarholti.
Forsaga málsins er sú að Haraldur og Guðmundur Pedersen lágu fyrir Halldóri Ingólfssyni og Snorra Þórðarsyni. Vildi Haraldur meina að sigurinn hefði ekki verið jafn stór ef ekki hefði verið fyrir svokallað Regulation Stigakerfi. Halldór Ingólfsson vísaði þessu bara aftur til föðurhúsanna og benti á að þeir félagar hefðu fengið sinn skerf af þessum aukapunktum. "Annars vil ég bara þakka Haraldi fyrir stuðninginn á þessum erfiðu tímum," sagði Halldór en hann hefur verið sakaður um svívirðilegt svindl í síðasta móti. 
Svo virðist sem félagar í Golfklúbbi Hafnarfjarðar svífist einskist í að koma höggi á keppinauta sína og hefur vefsíðan nú heimildir fyrir því að nokkrir aðilar hyggist krefjast þess að bókhald klúbbsins verði opnað. Hefur vakið athygli að bókarinn Magnús Magnússon er alltaf efstur en hann sagði þetta rakalausan þvætting. "Ég hef ekki tíma fyrir svona rugl," voru einu orðin sem bókarinn vildi láta hafa eftir sér í samtali við vefsíðuna.

Klúbburinn klofinn: Topparnir sakaðir um spillingu

GOLF Samkvæmt heimildum vefsíðunnar Tigerwho er allt logandi innan hins virta golfklúbbs Hafnarfjarðar. Heimildarmaður síðunnar, sem vildi ekki láta nafns síns getið af ótta við hefndaraðgerðir, sagði meðlimi vera uggandi yfir þróun mála. "Þrátt fyrir að allt sé slétt og fellt á yfirborðinu og menn drekki sinn bjór eftir mót þá minnir stemningin meira á fegurðarsamkeppni heldur en golfmót. Rígurinn milli manna er þvílíkur," sagði heimildarmaður síðunnar.
Vefsíðan hefur komist yfir mótaskrá á Nesinu um helgina þar sem Halldór nokkur Ingólfsson var skráður til leiks. Heimildir síðunnar herma að óvenju margir boltar sem svipa til bolta Halldórs hafi fundist á víð og dreif um völlinn og þar hafi hann lagt grunninn að sigrinum í gærkvöldi. "Halldór er refur og fór að sjálfsögðu og spilaði þennan völl á laugardag, spurning hvort þetta sé eitthvað sem stjórnin þarf að athuga," sagði einn meðlimur klúbbsins og hafði samsæriskenningarnar á hreinu. "Var Dóri með bolta um allan völl eftir laugardaginn ? Er þetta siðferðislega rangt athæfi í klúbbi sem er stofnaður til að hafa gaman af golfi og keppnin langt á eftir 19.holunni í fyrirrúmi." Halldór Ingólfsson vísaði öllum ásökunum á bug og benti á að eflaust væru menn bara svekktir á að vera ekki ofar í töflunni.
Allt útlit er því fyrir að barist verði á banaspjótum þegar sjötta mótið fer fram á mánudaginn en allar líkur eru á því að það verði haldið á Vatnsleysu. Mótsnefnd hefur engu að síður boðað til neyðarfundar sökum þessara ásakana og er að vænta viðbragða frá henni á allra næstu dögum. Formaður klúbbsins og aðrir stjórnarmenn neituðu að tjá sig um málið þegar eftir því var leitað. "No Comment," sagði Magnús Magnússon, tölfræðimógúll félagsins.

 

Magnaður mánudagur: Stjarna Halldórs skein skært

Að venju voru veðurguðirnir hliðhollir Golfklúbbi Hafnarfjarðar þegar þeir hófu leik á Nesinu í gærdag. Jóhann Pálsson, sá mikli öðlingur, lóðsaði meðlimi um svæðið en þegar klukkan sló fjögur var öll vinátta sett til hliðar og slegið var af fyrsta teig.
Völlurinn skartaði sínu fegursta og greinilegt að Vallavörðurinn hafði kallað út aukamannskap til að allt yrði í toppstandi. Holurnar voru skemmtilegar og flatirnar bæði hraðar og án nokkurra hnökra. Úrslitin komu ef til fæstum á óvart en fyrrum heimamaðurinn, Halldór Ingólfsson, lék örugglega uppvið greenin og sló vart feilhögg. Magnús Magnússon, sem leiðir mótið, átti hins vegar í erfiðleikum með að hemja boltann og missti því af gullnu tækifæri til að tryggja sig enn frekar í efsta sætinu. Athygli vakti að Ingvar Guðjónsson átti fölskvalausan leik á fyrri níu en seinni níu vöfðust eitthvað fyrir honum (sem er merkilegt þar sem Nesið er aðeins níu holur). Þau undur og stórmerki áttu sér hins vegar stað að Bergsveinn Guðmundsson hífði sig uppúr botnsætinu og nældi sér í tvö stig. Og var skálað af því tilefni í Skálanum þar sem maður að nafni Haukur reiddi fram dýrindis hamborgara og kalda öllara. Síðan bauðst félögum að kaupa Viagra af rosknum manni en flestir höfnuðu því boði-ég ítreka "FLESTIR".
Að endingu vill mótsnefnd koma á framfæri miklu þakklæti til Jóhanns Pálssonar sem sýndi og sannaði enn og aftur hversu mikill toppmaður hann er. Hafðu bestu þakkir fyrir daginn.

Spennan í mótinu er hins vegar orðinn óbærileg. Fimm eru búin og enn eru níu eftir. Sökum Meistaramótsin í Keili er þó líklegt að næsta barátta fari fram á Vatnsleysu en það ætti að skýrast á allra næstu dögum. Staðan er hins vegar þessi:

SÆTI		MÓT 1	MÓT 2	MÓT 3	MÓT 4	MÓT 5	ALLS
1	Magnús Magnússon	6	0	12	12	2	32
2	Halldór Ingólfsson		9	4	6	12	31
3	Freyr Gígja Gunnarsson	3	6		6	9	24
4	Jón Karl Björnsson			10	10		20
5	Guðjón Guðmundsson	4	12	1			17
6-8	Ólafur Björnsson	9		6			15
6-8	Snorri Steinn Þórðarsson	12				3	15
6-8	Páll Ólafsson				6	9	15
9-11	Haraldur Sturluson	9				4	13
9-11	Ingvar Guðjónsson		3	3		7	13
9-11	Davíð Ólafsson		2	8	3		13
12	Lúðvík Arnarsson		9				9
13	Jóhann Pálsson		0			7	7
14	Jón Freyr Egilsson		0	1	3	2	5
15	Guðmundur Pedersen		4				4
16-17	Eiríkur Hauksson	2					2
16-17	Bergsveinn Guðmundsson					2	2
18	Jón Jens Ragnarsson				1		1

Tveir reynsluboltar gefa upp hernaðarleyndarmál

Tiger Who hitti tvo kylfinga Golfklúbbs Hafnarfjarðar að máli og ræddi við þá um Nesjavöllinn. Ekki fór leynt með að keppnin er farinn setja sitt mark á samskipti félaga og má ljóst vera að þögn fari að ríkja í keppnishollunum næstu daga.

Halldór Ingólfsson sleit golfskónum út á Nesi. "Seltjarnarnesið er lítið og látt. Þar búa fáir og hugsa smátt þannig að um er að ræða 9 holu völl á úttanga, vindsælan með eindæmum og með gamlan FHing sem vallarstjóra," sagði Halldór í samtali við vefinn þegar fréttaritari gekk með honum og Jóhanni Pálssyni, áðurnefndum vallarstjóra. Þeir sýndu hins vegar af sér fádæma heiðursmennsku með því að gefa upp nokkur lykiltips um atriði sem gætu skipt sköpum á mánudaginn.

FYRSTA HOLA:

Halldór: Stutt braut þar sem aðalmálið er mikill halli á gríni og mikið atriði að halda sér fyrir neðan holu, oft mjög erfitt að pútta mikið á ská eða niður á móti fer að vísu eftir staðsetningu á holu og hversu góð grínin eru hjá Jóa

Jóhann: Stutt par 4 hola með bönkerum í drivelengd. Greenið er lítið en hallar allt á mót og tekur þess vegna vel við boltum. Out of bounds bakvið greenið.

 

 

 

 

ÖNNUR HOLA

 

Halldór: Stutt, en maður þarf að passa að vera ekki of langur eða missa höggið út til vinstri þar sem grínið er umlokið vallarmörkum.

Jóhann:  Par 3 hola með out of bounds vinstra hægra og fyrir aftan greenið. Lítill hóll fyrir framan greenið sem kastar oft boltanum í sitt hvora áttina

 

 

 

 

 

ÞRIÐJA HOLA

 

Halldór: Ein skemmtilegasta hola vallarins, algjör skylda að slá upphafshögg með ca 5 járni eða ca 150-180 metra ef menn ætla að reyna að slá lengra er 90% líkur á því að maður lendir í rugli, eftir það á maður ca 250metra eftir og síðan endar holan á ílöngu gríni.

Jóhann:  Skemmtileg Par 5 hola sem býður upp á marga möguleika. Sjór vinstra meginn og vatnstorfæra hægra megin. Margir taka járn á teig og eiga þá um 250m-300m eftir í green. Driverinn er möguleiki en þá getur voðinn verið vís.Eftir það er brautinn bein með sinn sjó vinstra meginn og stórt og gott green.

FJÓRÐA HOLA 

Halldór: Að mínu mati erfiðasta holan oftast best að staðsetja sig með 3 tre eða 4 járni í upphafshöggi heldur en að taka upp dræver. Out of bounds allt til vinstri og svo rusl hægramegin og smá sveigja í brautinni þannig að ekk má vera og langur heldur. Síðan er grínið upp á móti þannig að algeng mistök eru að menn verða of stuttir í 2 höggi inn á grín. Þessi er eins og 13. á hvaleyrinni maður er alltaf sáttur með bougí. Jóhann; Par 4 hola með sjó vinstra megin og rautt hægra meginn. Járn á teig er vinsælt annars er hætta á að missa hann út í rautt eða að sjanka hann út í sjó með drivernum. Annað höggið er allt upp í móti og greenið er á þremur hæðum og allt upp í móti. Stór pottbönker vinstrameginn við greenið og annar ekki eins stór hægra meginn. 

FIMMTA HOLA 

Halldór: Í minningunni er hún long par 3 hola en kannski er það vegna þess að það er aldrei logn á Nesinu, annars bara plain hola. Jóhann: Löng Par 3 hola með litlar hættur. Aðalega er það grasbönker á hægri hönd og mastur á þeirr vinstri. Að mínu mati leiðinlegasta hola vallarins.     

SJÖTTA HOLA Halldór: Eina hreina og beina holan á vellinum þar sem slá má hvert sem er (síðast þegar ég vissi) kannski er Jói búinn að búa til eitthverjar leyni gildrur. Jóhann: Bein Par 4 hola með bönkera og hóla báðu meginn á brautinni. Gott drive gefur góðan möguleika á birdie.    

 SJÖUNDA HOLAN 

Halldór: Out of bounds til hægri þannig að fínt er að slá aðeins til vinstri og staðsetja sig á vinstri kant brautar eða á milli 6. eða 7. ef maður ætlar að reyna við grínið í öðru þá eru eitthverjir sandkassar við grínið sem eru bara joke. Aðal fuglahola vallarins. Jóhann: Löng par 5 hola með sjó hægra meginn. Hér þarf gott drive og gott járn högg til að koma sér í birdie séns. Bönkerarnir við greenið eru ekki djúpir en stórir.    

ÁTTUNDA HOLAN 

Halldór: Slegið yfir vatnið í upphafshöggi, stutt hola eitthverjir 250 metrar, hægt að slá inn á grín en grínið liggur við vallarmörk þannig að ekki má miklu skeika á nákvæmni

Annars grínið umvafið sandkössum. (Mér skilst að Jói sé búinn að færa grínið eitthvað og breyta þar sem hann átti í erfiðleikum með að spila þessa holu) en það verður bara að koma í ljós.

Jóhann: Skemmtileg par 4 hola sem býður upp á marga sénsa. Hér getað menn drivað inn á green og átt séns á erni. Menn geta líka slegið með járni og átt góðan séns á fugli. Taka skal fram að bönkerarnir er mjög djúpir og geta refsað mikið. Out of bounds línan er einnig alveg upp við greenið og því auðvelt að fara out of bounds hægra meginn.

NÍUNDA HOLAN

Halldór: Skynsami golfarinn notar eitthvað annað en dræver og slær sirka 150 - 180 metra högg og  á auðvelda vippu eftir öruggt par, en það er oft erfitt að skilja dræverinn eftir heima.

Jóhann: Par 4 hola sem hægt er að drive inn á greenið en out of bounds er alveg upp við greenið og boltinn þarf að fljúga alla 216 metra sem eru að greeni frá teig. Einnig er hægt að slá með járni til vinstri og eiga gott högg inn á green og parið er tryggt.