...og sólin skein í heiði

Þeir voru upplitsdjarfir félagarnir sem héldu af stað í blíðviðrinu á Hvaleyrinni í gær. Sólin skartaði sínu fegursta, aldrei þessu vant, og veðurglöggir menn töldu næsta víst að það myndi lægja með kveldinu. Sem og kom á daginn þótt það logn hafi staðið furðu stutt yfir. Mætingin var með hreinum ágætum en mótsnefnd taldist til að aðeins einn hefði forfallast. Og það sökum þess að hann var í útlandinu.
Þegar í skálann var komið og menn fóru að bera saman bækur sínar kom margvíslegt forvitnilegt í ljós. Til að mynda spiluðu einhverjir verr í góða verðinu en fyrir viku síðan þegar fellibylurinn Katarína gekk yfir. Aðrir fóru hreinlega á kostum og fór þar fremstur í flokki Gaui sem hélt uppá töluverða lækkun með tvöföldum hamborgara. Spilamennska hans á seinni níu fer líklegast í sögubækurnar en það er ekki oft sem menn leika þann hluta á einum yfir pari með 24 í leikforgjöf. Hollið hans átti ekki orð yfir hversu vel drengurinn lék en Gaui lagði upp með mikið target-golf. Og að lokum fór það svo að verkfræðing þurfti til að reikna út punktafjöldann. Var drengnum úthlutað nýtt viðurnefni í skálanum: Góður-Gaui.

Næsta mót verður síðan haldið mánudaginn 18.júní en einnig heyrast sögusagnir um að mótinu verði flýtt fram á föstudag. Fylgist vel með.  Félagar eru jafnframt beðnir um að hafa augun opin fyrir hvers kyns svindli í skráningu á netinu enda er stefnan tekin á að spila mun fyrr. Valdamiklir menn eru jafnvel beðnir um að þrýsta á Keilisstjórnina um að færa Unglingaæfinguna annað hvort framar eða aftar á mánudögum:

Staðan eftir tvö mót:

		MÓT 1	MÓT 2	ALLS
1	Guðjón Guðmundsson	4	12	16
2	Snorri Steinn Þórðarsson	12		12
3-6	Haraldur Sturluson	10		10
3-6	Lúðvík Arnarsson		10	10
3-6	Halldór Ingólfsson		10	10
3-6	Ólafur Björnsson	10		10
7	Freyr Gígja Gunnarsson	3	6	9
8	Magnús Magnússon	6	1	7
9	Guðmundur Pedersen		4	4
10	Ingvar Guðjónsson		3	3
11	Davíð Ólafsson		2	2
12	Eiríkur Hauksson	2		2
13-14	Jón Freyr Egilsson		1	1
13-14	Jóhann Pálsson		1	1
15-18	Jón Karl Björnsson			0
15-18	Jón Jens Ragnarsson			0
15-18	Bergsveinn Guðmundsson			0
15-18	Páll Ólafsson			0

 

Góðar stundir

Tiger Who

Athugasemdir

[HALLI (IP-tala skráð) 13.6.2007 kl. 11:03]

komast menn á föstudag í stað mánudag?

[Svindl ! (IP-tala skráð) 13.6.2007 kl. 12:52]

Hvaða skandall er í stigagjöf þessa annars ágæta klúbbs ! Ég get ekki séð betur en að ef tveir lenda í öðru sæti þá fá báðir 10 stig ! Hvernig virka þessi stig annars, er þetta 12 10 8 6 4 3 2 1 eða hvað ?